Lo libre dels grands jorns - Joan Bodon

Lo libre dels grands jorns - Joan Bodon

Aqueles jorns son grands d'èsser los darrièrs : diurnal d'un òme condemnat per una d'aquelas magenhas que los mètges ne sabon tot sens i poder res. L'òme decidís sens brica soscar de refar sa vidaen l'abandonar al marginalisme. L'azard decidís que serà a Clarmont d'Auvèrnha.

Un dels grands romans de Joan Bodon.

Prefaci d'Ives Roqueta.
IEO edicions.

L'autor:

Joan BODON (Jean BOUDOU en francés) (Crespin, 11/12/1920 - Argeria, 24/02/1975), es un dels grands escrivans del mond modèrne. Marcat per l’imaginari del conte, tracta dins son òbra de tèmas universals o biblics per parlar de son intimitat amb la lenga occitana que vei demesir.

Somari:

Primièira part : L'Eternitat - Segonda part : Lo curat de Foncotut - Tèrça part : L'amor de Lempdes.

Estrach:

Perqué davalèri a Clarmont ? Es a París que voliái anar. Mas n’aviái un sadol de me téner drech sul tren. Dempuèi Besièrs contra lo carrèu. Los rens me petavan. E seriá lèu mièjanuèch.

Clarmont-Ferrand, Clarmont d’Auvèrnha. Aquí o endacòm mai. Èri pro luènh ça que la del meu ostal. Degun me cercariá pas aquí.

Donc sortiguèri de la gara. Pas de paquet ni de farda. Res que ieu e qualque sòu. [...]

Cercarai pas mai de luchar. Ça que la contra qual tustar ? Aver agut un enemic, lo conéisser de còs, de nom. Tot lo meu vam m’auriá servit.
Una batèsta sens esper… Mas i a pas degun contra ieu. Contra qual aparar lo ben : l’eretatge que degun non vòl ?
Un enemic val un amic. Cadun pren l’autre per qualqu’un. Mas totes me prenián per res. Per ieu solament lo mesprètz, encara mens que lo mesprètz : l’indiferéncia sens onor. [...]

Anciana edicion (agotat):  Edicions del Roergue.

Annada: 1996
Paginas:    192
Format:    11 x 18 cm
Edicions del Roergue: Òbras de Joan Bodon
Prefaci de Pierre Canivenc.
ISBN:    2-84156-034-1