Escura, la nueit - Joan Loís Lavit

Escura, la nueit - Joan Loís Lavit

En temps de l'Empèri roman, dens un vilatge de la montanha pirenenca, un gojat qu'ei iniciat aus secrets deus Dius antics. Un còp enviat en país romanizat, dens l'arribèra, ua ataca de barbares que capvira la soa existéncia. Dab quauques companhs, que van perseguir dinc au Rin los barbares tad arrecaptar lo tesaur panat. La quista que serà longa, mauaisida, dab un haish de suspresas, mes que s'i van escàder.
Totun, quan lo gojat torna tà casa, tot qu'a cambiat en vilatge : los dius antics, la lenga vielha e van poder subervíver aus mudaments deus temps ?

Un gran roman istoric qui ei de bon léger dinc au cap.

Edicions Letras d'Òc.

Lo libre es dispo dins una version amb un CD mp3 (3 oras 33 mn). L’enregistrament audio integrau deu roman peu son autor, Joan Loís Lavit qui balha vita au raconte dab la soa votz.

Escotar un extrach aqui.

(De chausir lo tipe aqui-sus, en dessos dau pretz: Libre solet, CD MP3 solet o Libre + CD).

L'autor:

Joan Loís Lavit es nascut lo 29 de junh de 1959 a Lorda. Familha lavedanesa occitanofòna, mair regenta e pair obrèr d’usia. L’occitan qu’ei tostemps estat e qu’ei la lenga de la familha. Leguidor de bandas dessenhadas e de SF americana, que descobreishi la literatura occitana e l’occitanisme a 17 ans, cap a la fin de las annadas 70 a l’Escòla Occitana d’Estiu e dab l’Institut d’Estudis Occitans. Especializat en ensenhament de l’occitan a l’escòla publica desempuish 1982 (e recentament retirat). Que’s lança dens l’escritura a l’aurèra de las annadas 90.
Manejant l’escritura teatrau autanplan com l’escritura de romans e novèlas, qu’ei adara vadut un deus autors occitans de compte har.