La quista deus Òmis Petits - Terèsa Pambrun

La quista deus Òmis Petits - Terèsa Pambrun

Una nuèch d’ivèrn, de freg e de gèl, quand fa bon d’èsser dins lo nis mofle, dins l’ostal dels Òmes pichons. Pr’aquò Silvania i es pas, dins son lièch !
Quand sos amics Miquelòta e Jacolet se’n avisan, la creson perduda e se’n van la cercar… la tròban defòra, dins la nèu, davant lo Libre gran deus Òmes petits… un libre que porgís de passatges cap a de mondes desconeguts…

La quista deus Òmis Petits, escriut e beròi illustrat per Terèsa Pambrun, qu’ei la seguida de Los Òmis Petits, qui a tant agradat aus mainats.
Adara, que poderatz seguir las navèras aventuras : hardits cap e tot que van a la descubèrta de mondes desconeguts.
Qui sap çò qu’i van poder encontrar e quin e s’i van escàder tà’s tirar deu mauparat ?

Obratge en quadricromia, arreligat.

Version "libre solet" o "libre + CD audiò" : enregistrament deu  tèxte per Joan Loís Lavit.
Edicions Letras d'òc.

L'autor:
Nascuda en  1954, Terèsa Pambrun viu en Lavedan, ua vath de la montanha pirenenca (65).
Regenta d’escòla pendent 20 ans qu’ei estada pus conselhèra pedagogica encargada de la lenga e de la cultura occitana auprès deus mèstes d’escòla primària.
Breçada de contes dits peu pair quan èra mainada, que s’interèssa autanplan a las legendas com aus mites o aus contes.
Qu’escriu tanben contes illustrats peus mainats.
Las edicions Letras d’òc qu’an publicat lo son estudi dedicat a l’imaginari de las pèiras e deus calhaus, Memòrias de peira, e contes taus mainadets, Los Òmis Petits e La quista deus Òmis Petits, illustrats dab aquarellas originaus.

Extrach :
"Un còp minjat, que’s pujan per las escalas tà’anar dromir.
"A cadun son jaç.
"Que son coma boishòrlas docetas, dab cosnas moflas de plumions d’ausèths e coishins minós.
"A còps, que s’i dromen de dus en dus quan an istòrias a contar-se o paurs a escanar…" (p. 9).