La Cousino de A à Z - Roubert Eymony

La Cousino de A à Z - Roubert Eymony

Roubert Eymony, proufessour de cousino prouvençalo, tenié un restaurant gastrounoumic à Viens, dins la Vau-Cluso.

Tenènt sa lengo dòu brès, èro tout designa pèr nous faire parteja lou voucabulàri de la cousino, tant pèr nouma li plat goustous, que pès laia lou biais de li faire, e tambèn pèr presenta tóuti lis eisino e ustens aproupriado, que segound soun utilisacioun, porton de noum bèn particulié, tau la perço de viando qu'es pas sounado dou meme noum pèr lou porc, lou biou o lou vedeu.

Uno particularita que s'amerito d'éstre noutado : la poumo d'amour ei entieramen absènto d'aquélei recèto. Sara pas lou cas dins leis oubratges que seguiran e dins lei grand classique à Marsiho coumo lou Reboul e lou Morard, mounte la toumato li tèn touto sa plaço coumo vuei. Lou proumié, escoulan dau grand Escoffier escriguè La cuisinière provençale e lou segound escoulan de Robioun Le manuel complet de la cuisinière provençale.

E de liuen, Roubert Eymony preferis lou manuau de Morard à-n-aquéu de Reboul, belèu perqué Marius Morard èro nascu a Rustrèu, coumuno vesino de Viens qu'avié fa soun aprendissage à Marsiho encô de Robion, foundatour de la Réserve, au Farô, e puèi lou Palace Hôtel Robion sus la Cournisso, restaurant especialisto dôu boui-abaisso. Roubert Eymony jujo lou Reboul souvènt trop coumplica dins sei recèto e mai soumés eis influènci esteriouro, trop internaciounau, en revenge, lou Morard, segound éu, s'acouosta mai ei sabour dei proudu dôu terraire, ei mai autentic e poupulàri. Sarié pulèu dôu coustat de l'escouolo dei Bouquet, de Viens, la famiho de sei bèu-parènt que aguè permés au diligènt mèstre Roubert, d'èstre lou cousinié de ço qu'encuei a agu remplaça lou rèi : lou pople prouvençau.
E aquéu tresor dei mot de la cousino de Roubèrt Eymony lou pourren renja dins la biblioutèco entre lei libre de dous grand especialisto mouderne La cuisine provençale de tradition populaire de Reinié Jouveau e Lo bolh e to tian de Glàudi Barsotti.

Em' aquelo publicacioun, lou C. I. E. L. d'oc, Cèntre Internaciounau de L'Escrit en Lengo d'oc, espandis vuei, lou tresen voulume de sa couleicioun "Voucable Mistralen".

Roubert Eymony, proufessour de cousino prouvençalo, tenié un restaurant gastrounoumic à Viens, dins la Vau- Cluso. Tenènt sa lengo dôu brès, èro tout designa pèr nous faire parteja lou voucabulàri de la cousino, tant pèr nouma li plat goustous, que pèr baia lou biais de li faire, e tambèn pèr presenta tôuti lis eisino e ustensiho aproupriado, que segound soun utilisacioun, porton de noum bèn particulié, tau la pèço de viando qu'es pas sounado dôu meme noum pèr lou porc, lou biôu o lou vedèu.
Mèste Eymony fasié d'esperéu li dessin pèr li menut de la carto de soun aubergo e naturalamen, es uno de sis eigarello qu'ilustro la cuberto d'aquéu librihoun: L'autouno...
En mai d'acô, Roubert Eymony es Grand Mèstre de la Counfrarié di Fru Counfit d'Ate...

Ediciouns Prouvenço d'Aro.