Deman serà un autre jorn - Andrieu Lagarda

Deman serà un autre jorn - Le Trésor des proverbes et dictons occitans ( lo tresaur dels dires e provèrbes occitans) - Andrieu Lagarda

Andrieu Lagarda vos convida a la descobèrta d’un tresaur : lo tresaur dels provèrbis e dires occitans recoltats al long de sa vida d’ensenhaire, de culheire de mots e d’escrivan cercant amb passion a la sorga de la paraula populara occitana.

Aquel recuèlh recampa milierat de provèrbis e dires populars que son donats en occitan, acompanhats de la traduccion francesa literala e d’un comentari cortet que desvèla lor significacion e lor usatge quand aquò es necessari a lor compreneson.

Los biaisses de dire e provèrbes son classats per tèmas, per exemple Lo temps que passa, Los sentiments, Qualitats e defauts, La santat, L'ostal, La ronda de las sasons, Los animals domèrgues, Lo vilatge, Las plantas, etc.

Andrieu Lagarda que sorteish lo son libe navèth « Deman serà un autre jorn », lo tesaur deus arreproèrs e dictons occitans a las edicions Letras d'Òc. L'escrivan que'ns convida a descobrir las frasas, los arreproèrs qu'amassè tot au long de la soa vita d'ensenhaire, de  cuelhedor de mots en potzar dab passion a la hont de la paraula populara occitana.

Andrieu Lagarda qu'ei un escrivan occitan de Lengadòc. Qu'estó regent dens la banlega tolosa abans de vàder professor de letras e d'espanhòu a Carbona.
Qu'ei tanben l'autor de « Sinèra e la mòstra d'òr », « Tres palometas blancas », « De cara al temps », « Las relacions occitano-catalanas a travèrs lo temps », o enqüèra « Cantagrilh », « L'ostal dels lops » e « Tres per tres ».

Brave monde, demoretz pas sul lindal del libre : dintratz, dintratz dins l'ostal dels mots e dels biaisses del dire, a la descobèrta del tresaur dels reprovèrbis occitans culhit e amassat per Andrieu Lagarda al long de la sia vida.

Edicion bilingua occitan-francés a las edicions Letras d'Òc, colleccion Camins. Lo 12 de genèr de 2016.

Prefaci de Josiane Bru.