Géopolitique des langues (romanes et autres) - Gentil Puig-Moreno

Géopolitique des langues (romanes et autres) - Gentil Puig-Moreno
Geopolitica de las lengas (romanicas e autras)

Segon lo lingüista De Saussure, estant que, totes parlam, avèm una idèa de nòstra lenga mas pas forçadament confòrma a la del lingüista. Atal, presentar simplament l'estat e lo ròtle de nòstra pròpria lenga - e de las lengas en general - es l'objectiu d'aquel obratge de vulgarizacion. Caliá versar la lingüistica estricta per anar cap a l'usatge social de la lenga e, per aquò, s'interessar a las variacions qu'aquel quitament usatge implica. Pasmens, l'actualitat impausa la question del ròtle politic de la lenga, çò qu'implica una analisi de las situacions lingüisticas en França e en Espanha (caduna ocupant un tèrç del libre), mas tanben las d'autres païses e d'autras lengas dont l'actualitat infòrma de la tragèdia de pòbles victimas de guèrras.
Aquí perqué la causida d'una geopolitica de las lengas s'es impausat a nosautres, coma una realitat. Nos referissèm a dos cas precís e dramatics, lo de Curdistan, nacion sens estat, mas tanben lo d'Ucraïna e lo drama que travèrsa. Aqueles dos cases extrèms nos permeton de comprene melhor çò que se passa per de lengas pròchas de nosautras. Pertocant las de nòstres pròpris païses, son pas sostengudas per l'Estat. Ne cridam a un Estat mai democratic, e respectuós de sa pròpria diversitat.

Un libre passionant sus l'usatge social e politic de la question de las lengas.

Prefaci de Paul Molac (deputat del Morbihan).

Edicions Yoran Embanner.

L'autor :
Gentil Puig-Moreno es nascut en 1934 en Catalonha-Sud, près de la montanha de Montserrat. En 1939, après la victòria de Franco, arriba en França , primièr a Tolosa puèi estudiant a París a la Sorbona en 1960. Doctor de lingüistica romanica, a l'Universitat de Montpelhièr, jos la direccion de l'occitanista, Robert Lafont. Es tornat en Catalonha après mai de 68, Passaire de culturas e defensor del pluralisme, es professor onorari de l'Universitat Autonòma de Barcelona e de l'Universitat de Perpinhan.