Cantates d'Azur - Zine

Cantates d'Azur - Zine

Amb Cantates d'Azur, la maison d'edicion niçarda Baie des Anges publica un recuelh de chansons bilinguas (occitan e francés) escrich, revirat e interpretat per la trobaritz de Niça: Zine.

La fòto de cobertura (Arenas de Cimiez de Niça) de Benjamin Maxant e subretot illustrat per Richard Roux.

E la prèfaci en occitan de Serge Chiaramonti.

De textes inteligents e la bòna idèa de metre en niçard de chansons de totjorn coma de hit actuaus.

Es wonderful !

Filosofia de Zina: « Laissa córrer e fai avans » ( « let it be » que disián).

« Cantates d'Azur », un nòble mesclum de paraulas e de mùsicas que presentan li darnièri cançons de Zina : de reviradas inspiradi de toti raças de cançons, de creacions, d'interpretacions calorosi e justi.
Zina festeja aqui 15 ans de creacion e de preséncia en li fèstas, manifestacions (Eurovision dei lengas regionali en lo 2009, Omenatge blanc en lo 2016) e en lu mèdias.
Aqueste « opus » fa descurbir una produccion modèrna en Niçard, que Zina, embé gaube, fa tintinar en li nòstri aurelhas e en lo nòstre ment. E cadun li pòu trobar lo sieu interès, la sieu emocion e lo sieu plaser.
Quora Zina canta, es per toi : joves, ancians, fremas, òmes... emb totjorn en pensada lu pichoi. Rapresentan lo nostre avenidor e aquèu de la nòstra lenga.
En lu tèxtes de Zina si retrovan lu sentiments de la poetessa per lu sieu amies, aquelu que l'encoratjan despi un brave moment o que la descuèrbon aura. Un mòt d'aqui, un batre d'uèlh ailà e finda d'omenatges en aquelu qu'avian endralhat lo camin per valorizar la Lenga, coma « Reinat-la-Sciença » ...
De cançons da escotar, emparar e cantar tant que si pou. Es com'aquo que vivon la cultura nòstra e l'esperit dei cançons de Zina. Aquela òbra, trabalh lingüistic consequent, es un plaser per cadun, una riquesa per toi e un regal de saborar sensa moderation !
Sergi Chiaramonti, president de la Federacioun dei Assouciacioun de la Countéa de Nissa e proufessour Oc-Nissart / Istoria e Geougrafia.

Las chansons son en escota liura sus lo site de Zine: https://www.zine.fr/cantatesdazur

Edicions Baie des Anges.

Es un recuèlh amb 27 tèxtes bilingües e de cançons de descobrir en escota liura sul siti internet de Zine (www.zine.fr). Torna prene de cançons universalas d’artistas com John Lennon, Otis Redding o encara Bob Marley, e tanben de composicions francesas de mond com Georges Brassens, Renaud, Jacques Dutronc, e los mescla a la « salsa niçarda ». « Hotel California » de The Eagles, devien « Ostal Negresco ». Dins aquela, Zine fa un omenatge a l’ostal de luxe e ditz son admiracion per sa fondatritz Jeanne Augiet. « A tornat montar l’ostal, tractava plan lo personal. Crompava tot plen d’òbras d’artistas e dins cada cambra, i aviá una tematica, èra un musèu ». Canta tanben sa version del hit single « Back to black » d’Amy Winehouse amb « Se’n virar a l’escur ». S’i pòt tanben ausir la votz de Renat Anfosso. Una figura importanta als uèlhs de la Niçarda « A fach de teatre. Sus un solò musical, i a una votz que fa una declamacion teatrala. Malastrosament, es mòrt en cors d’escritura del cd e del libre. A participat a la cançon “ Imagine ” de John Lennon en estúdio, puèi ai recuperat los archius de Ràdio Nissa Pantai dins la quala èra fòrça actiu ». Dins cada cançon, i a una anecdòta sul país niçard o sus la cultura dels trobadors, del gai saber. Zine s’inspira totjorn del trabalh dels trobadors. A adaptat un tròç de Souad Massi, una trobairitz araba. Çò que fasián los trobadors ? Utilizavan de causas existentas, mesclavan a de tèxtes, a de cançons, es çò que fa Zine amb de material modèrne. Se regaudís de que « Cantates d’Azur » e siá un esplech pedagogic, « tres o quatre professors m’an demandat de banda per far cantar las cançons als dròlles ! ».

Fanny Lartigot, article de La Setmana n°1104.

Video: