La vida - Tèxtes de cançons (1971-2021) - Eric Fraj

La vida - Tèxtes de cançons - Eric Fraj

Eric Fraj es una de las figuras importantas de la cançon occitana. Autor-compositor interprèt, comença de cantar en public a Bordèu en 1971, a l'atge de 14 ans. Despuèi, sa votz non cèssa pas de ressonar ont la vida lo vòl menar, en Occitania o endacòm mai, d'una plaça de vilatge a la scèna d'un grand festival, d'una sala de cafè a la d'un centre cultural, del Teatre Lumière de Göttingen al Palau de la Música de Barcelona, en passant per París, Casablanca, Lausana, Alcòi (País Valencian), Perpinhan, Andòrra, Bretanha, Corsega, lo País Basc, eca.
Format a l'escòla de la scèna, exprimís son gost de l'alteritat, sa fidelitat als sòmnis e a las tribulacions de l'enfança per sa causida de l'universalitat e de la pluralitat lingüistica : escriu e canta en occitan mas tanben en catalan, en espanhòl e en francés. Non es pas mai aisit de definir Eric Fraj que qualqu'un mai. Mas gràcias al recuèlh de 50 ans de tèxtes de cançons que nos òfre aicí, ne sabèm un pauc mai sus la longa rota iniciatica qu'es la sia...

Illustracion cobertura: Didier Mir. Foto de l'autor per Pierre Rieu.

Colleccion Votz De Trobar n°47.

Edicions Troba Vox.