La grana de la prima : Lo secrèt del bòsc de Grefuèlh - Alan ROCH

La grana de la prima : Lo secrèt del bòsc de Grefuèlh - Alan ROCH

La grana de la prima – Lo secrèt del bòsc de Grefuèlh  es una brocadura de la colleccion Farfadet (IEO-Aude) : setze paginas illustradas per Enrico Cangini que compren un conte signat per Alan Roch, una presentacion del Camin dels Plòs de Grefuèlh  e doas paginas de Dires de las bèstias.


La pichona abelhòta es desesperada. La grana de la prima, la trapa pas mai dins lo buc. Qual l'ajudarà : l'agla, la lèbre, lo rainal, lo tais, l'esquiròl, lo cabiròl o los singlars per desvelar lo grand secrèt del bòsc de Grefuèlh ?


 Es la panica dins lo bòsc de Grefuèlh ! La grana de la prima a desaparegut, la paura abelhòta la trapa pas mai dins lo buc.
« E sens prima, pas de flors ! Sens prima, pas d’estiu ! Sens prima, pas de tardor ! Sens prima, pas d’ivèrn ! Sens prima, pas mai de prima ! »
Totes los estatjants de la sèlva menan l’enquista per tornar trobar la grana ; l’agla que vòla en sus las nívols, l’esquiròl que coneis cada amagatal, la lèbre de las cuèissas bombiguentas que pòt córrer de pradas en bartasses, los singlars qu’amb lor gronh fonhan la tèrra del sotabòsc coma del pesquièr… mas, cap de traça de la grana de la prima !
Alara la brava abelhòta va demandar l’ajuda de totes, quitament aquela del fièr cabiròl e del rainal rusat… Se i aviá pas mai de prima seriá una catastròfa vertadièra !

Aquel raconte bastit coma un conte de randonada per Alan Roch, nos mena en plen còr del bòsc de Grefuèlh e nos permet de rescontrar son pichòt monde. Dins aquel conte ecologic, cadun a sa plaça e son especificitat mas totes sabon que lor subrevida es ligada d’un biais prigond al cicle grand de las sasons.
Lo libre es acompanhat d’un pichon descriptiu del luòc del raconte, la Senda del Plòs, e d’una seria de « Dires sus las bèstias ».

Un obratge polidament illustrat, ideal per far descobrir lo país d’Aude als pichons.

Obratge realizat en ligason amb lo Servici environament del Conselh Departamental d'Aude.

Edicions IEO Aude Vendémias - Colleccion Farfadet.

L'autor:

Alan Roch es nascut en 1952 a Carcassona dins Aude. Regent puèi animator cultural, es tanben autor, traductor e contaire.
Foguèt secretari general a l’IEO (1981-1986).