Quora la matèra... - Miquèu Arnaud - ATS 211

Quora la matèra ... Miquèu Arnaud

Roman d’anticipacion - A Tots 211

2200, l’umanitat es au quichar de la clau. D’en premier lo Conseu europèu, dins lo quadre d’una politica federala, dona de gròs poders ai regions e mete fin ais estats nacions. Puei, après de decenias de dificultats energeticas, un jove engenhaire occitan es a mand de descubrir una energia nòva e subretot inagotabla. Mai aquò fa pas partida dei interès de quauqueis uns. Aquestei d’aicí mèstres dins l’art de la manipòla, podràn faire empacha au progrès ?

Un novèu romancier provençau nos es neissut e a reïssit un còup de mèstre dins la vena de l’anticipacien e de la sciènci-ficien crosada emé lei secrèts de l’alchimié medievala. Dins la metropòli marselhesa dau XXIII° siècle s’encabèstron leis aventuras d’una chorma de personagis bèn trempats engajats dins una aventura d’un suspènse desalenant sus fons de decadènci dau sistèma, de descubèrtas miraclosas e de reconquista occitana : un monde pivelant creat dins una lenga richa e autentica pèr lo Miquèu Arnaud, que baileja dins lo civil l’Instititut regionau d’Estudis occitans.

Colleccion A tots n°211, Co-edicion IEO Edicions - IEO-CREO Provença.

Amb l'ajuda dau Conseil régional de Provence-Alpes-Côte d'Azur.

Extrach :
[Mentre que Renat es a laurar amb son muòl, lo sonan sul telefonet]
"... s'avisèt qu'èra pas la sonariá d'una crida mai aquela d'un messatge :
"Brussèlas (AEP) : 09/04/2200 14;45 GMT : Lo conseu dei ministres de l'Union europèa en assemblada extraordinària amb l'ensems dei deputats europèus decidissèron a l'unanimitat de rompre amb l'istòria seculara e de mettre fin ai poders estataus dei país membres. Una draia nòva se duerbe per un federalisme dei pòbles."
"Solet amb per unic testimòni lo muou, se metèt subran a cridar a s'escagassar lei maissèlas.
"Bodieu ! Va crèsi pas ! Brave ! L'i siam ! L'i siam !" (capitol 2, Renat)