Disparicions - Joan-Claudi Sèrras - ATS 227

Disparicions - Joan-Claudi Sèrras - ATS 227

Recuèlh de novèlas.

Disparicions es un recuèlh de tèxtes ont, coma dins Masquetas e Mariòtas, sèm sus la rara entre vida vidanta e subrenatural, dins un univèrs ont tot, a cada segonda, pòt caplevar e desaparéisser per l’efièch d’una volontat clara o escura, mas tanben sens cap de rason…

Colleccion A tots n°227, IEO edicions.

L'autor:

Joan-Claudi Sèrras es nascut en 1944 dins Tarn. Professor de letras classicas e d’occitan, romancièr, foguèt responsable de las edicions a IEO-Ideco de 1987 a 1995. Collaboracion a la redaccion del Lexic Elementari (IEO, 1996) e del "Tot en òc" (IEO, 2002). Tòrna a l’esritura amb un recuèlh de novèlas sus la tematica de la disparicion.

Estrach:

« Atràs, sola, ramponada a la ridèla, la nòvia, ela, disiá pas res jol vel. Tot lo sang se li èra trait de la cara. Tremolava de contunh, e degun se’n mainava pas. Vertat ça que la que fasiá mens freg ; un aire docet se levava. Fariá plaser de véser fondre aquela nèu.
Catarina agachava la pagina esbleugissenta e voida del mond, que puntuavan sols los accents circonflèxes dels gòrbs. [...] »
Extrèit de Maridatge Blanc