Bóstias - Joan-Claudi Sèrras - ATS 240

Bóstias - Joan-Claudi Sèrras - ATS 240

Lo Sòmi d’Ipocrates e autras istòrias de Bóstias.

Recuèlh de novèlas.

Aqueste obratge, majoritariament escrit en 2021, prepausa una garba de tèxtes sus una tematica qu’es lo camp lexical de las bóstias. Se tracha pas d’un recampament a posteriori d’òbras qu’òm se maina de lor punt comun mas d’una experiéncia d’escritura a constrencha prealabla sens cap de limita de las variacions possiblas. Balha de tèxtes de tota mena, de tota dimension, de tota tonalitat, de l’umorisme a la tragedia, de la poësia al fantastic. Dins la darrièra istòria, Lo Sòmi d’Ipocrates, la pus longa, a l’encòp realista e filosofica, la situacion contemporanèa evocada, la del Covid, ven premonitòria e lèu, qual sap ?, la ficcion poiriá èsser confortada e/o trespassada per l’anar del mond. A mens que ne demòre son qu’un marrit sovenir que pauc a cha pauc d’autras preocupacions, jutjadas mai urgentas encara, vendràn escafar…

Collection A tots n°240, IEO edicions.

L'autor:

Joan-Claudi Sèrras es nascut en 1944 dins Tarn. Professor de letras classicas e d’occitan, romancièr, foguèt responsable de las edicions a IEO-Ideco de 1987 a 1995. Collaboracion a la redaccion del Lexic Elementari (IEO, 1996) e del "Tot en òc" (IEO, 2002), e una tièra de libròts de pensadas mai o mens umoristicas jol chafre de Rascal.