Viatge au fons de la mitologia - Pèire Pessamessa - ATS 180

Viatge au fons de la mitologia - Pierre Pessemesse - ATS 180

Enfin, au sortir d'una rara, entrevesi a través dei gotas quauquaren que sembla un ostau. Li corri tot en gafolhant dins la fanga. Un parèu de cans sòrton d'una cabana e me viran lei dents. Preni un tancàs que tirassava, per lie tenir a distáncia e cridi coma en deseperat. A la fin, entendi sublar, qu'un òme a dubert çò que sembla un portau. Un portau de boumian.

L'autor se tròba transportat dins mantunas epòcas e lòcs d'Occitania, amb las seus capacitats d'avuèi. E coma lo tipe s'interessa a Occitania e a l'istòria, aquò li balha la possibilitat de vèser totas aquèlas epòcas.

Colleccion A Tots n°180, IEO edicions.

L'autor:

Pèire Pessamessa (10 de decembre de 1931, a Marselha) es un escrivan, òme politic e romancier occitan contemporanèu en provençau.
Comencèt a escriure dins la revista occitanocatalana Vida Nova e puèi dins la catalana Serra d’Or. Recebèt lo Prèmi Occitània als Jòcs Florals de l’Alguer en 1962. Es tanben critic literari e a realizat divèrsas emissions de ràdio e mai de filmes en occitan. Recebèt lo Prèmi Batista i Roca en 2005. Foguèt cònsol de Buòus (Provença) durant 28 ans. Es dempuèi fòrça temps membre del CAOC occitan que ne venguèt president lo 30 de novembre de 2002.