Insularas – ATS 128 - Robert Lafont

Insularas – Robèrt Lafont - ATS 128

Las isclas enfachinan. Pantais d'embarrament e d'evasion, tota iscla es femna. Son tanben d'obradors ont asatar los sòmis nòstres... Candide encara mal desgavachit, Janet, l'eròi del Terç Morir, quita sa Catalonha del sègle quinze per córrer la bèla aventura e se trobar un paire. A mièg d'orrors sens nom ni nombre, rescontrarà la Femna e l'Iscla e comprendrà que las rasons d'estat an  rason tard o d'ora de las amors o utopias insularas. Demorarà l'eroïsme, responsa a l'opression en forma de vana òbra d'art...

Dos libertins del sègle dètz e sèt son escampats per la tempèsta sus una iscla deserta, Amfícolpos, e condemnats a l’immortalitat. De luènh, espinchan lo capforc entre sciéncia e sapiença, fins al desastre terminal...
Dins dos contes filosofics, meravilhas de pluma destricada, dos cap-d’òbra cortets – una Odissèa e una Robinsonada – l’autor, grand mèstre en ironia, nos porgís una celebracion gostosa del mare nostrum.

Colleccion A Tots 128 - IEO Edicions.

L'autor:

Robèrt August Cesar Lafont (Robert Lafont en francés) (Nimes, 16 de març de 1923 - Florença (Itàlia), 24 de junh de 2009) èra un intellectuau occitan e pus particularament un lingüista, un escrivan, un istorian, un especialista de la literatura e un teorician politic. Èra una dei pus grandei figuras istoricas de l’occitanisme.
Robèrt Lafont nasquèt a Nimes dins una familha protestanta dau país de la Vaunaja dau costat de sa maire Alícia Virginia Noguièr. Après lo divòrci de sei parents anèt viure en cò de sos grands dins un vilatjon de l’èst de Nimes, Cauviçon. Partiguèt dins son adolescéncia en 1936 amb son paire, qu’èra foncionari de Finanças, a Lons-le-Saunier, e aquel exilh li faguèt recuperar mai fòrtament l’occitan.