L'Òme de Magalona - Joan-Maria Pieire

L'Òme de Magalona - Joan-Maria Pieire

L'Òme de Magalona es son seisen libre publicat e lo primièr dins la colleccion « Atots » de L'I.E.O. Libre de cinc nòvas intensas e modèrnas que l'òme de la ciutat, sens estaca particulara, l'òme un pauc fòra normalitat, i es eròi obligat : de l'òme de Magalona raubaire d'enfant a Ian Parker, lo trasvestit, J.-M. Pieire explòra las nuèits trebosas de las vilas e lo mal-viure de sos abitants que se ténon sus la « talvèra » de la societat.

Dins aquela lenga tan linda que se sembla legir sens cap de dificultats, un jove escrivan nos mòstra un còp de mai que la lenga d'òc pòt estar autra causa qu'una lenga pels folcloristas o per las colhonadas.

Colleccion "A Tots" ATS 101, IEO Edicions (Institut d'Estudis Occitans).

L'autor:

Joan-Maria Pieire nasquèt en Roèrgue en 1954. Partiguèt per Grenoble e puèi per Villeurbanne, còsta Lyon, ont trabalha per los "Telecoms". Escriu en occitan fa bèl temps ja e s’afortís coma un dels grands novelistas occitans de sa generacion.