Ten-te Fièr ! - Albès (CD)

Albès vos prepausa son CD 'Ten-te fièr !'

Aprèp aver presentat son recital 'Raja encara' pendent mantunas annadas, dins de luòcs de còps insolites, mas totjorn d’un biaís desinteressat e engajat, Albès ven de concretisar son project de registrar sas darrièras creacions musicalas.

Aquel CD se titola: 'Ten-te fièr !' Recampa dotze cançons que tractan de temas fòrça diferents : L’injustiça, la guerra de 1914-18, un cat sonat Teò, de regrets e de remembranças e una certituda "Dins 3000 ans serem totjorn aqui" (nosautres occitans). Jaures i costèja Brassens e Marley.

La tòca d’Albès es de demòstrar que la lenga occitana es actuala e se presta fòrça plan als estiles musicals variats e actuals.

Lo CD es acompanhat d’un libròt amb los tèxtes en occitan e en francès.

 
Titols:

01. Perqué lo monde vira atal?
02. Jaurès
03. Marley
04. La fin del camin
05. Dins 3000 ans
06. 1914-1918
07. Remors
08. Jòrdi
09. Rock òc
10. Al recanton
11. Teò
12. Ten-te fièra bèla Occitània

Extraits sur Vimeo (Ten-te fièr - Extraits from Albès on Vimeo).

CD réf: Albès 34/1 - 2014