Roge - La Mal Coiffée (CD)

Roge - La Mal Coiffée (CD)

La Mal Coiffée torna prene la paraula contra totas las dominacions : las colonialas, las nacionalas, las economicas, las mediaticas…

Amb sa polifonia e sas percussions, nos conta nos, monde d’aicí, o puslèu monde vivent aicí, en Lengadòc, ambe los nòstres eiretatges,las nòstras istòrias particularas, la nòstra lenga Occitana totjorn quilhada, totjorn cantadissa, totjorn prèsta a bramar sas solidaritats, e a se noirir de totas las emancipacions e resisténcias popularas per lo monde.

Las 4 cantairas e percussionistas cantan la poesia de la docolonizacion.
Lor novèl album CD celebra las luchas dels pòbles a travèrs dels tèxtes de Garcia Lorca, Grosclaude, Foures, Boudou, Alranq e  Cavalié.
Totjorn vibrant, lor cant polifonic lengadocian es universal.

Aqueste album es anonciat coma lo primièr d’una seria de tres que declinaràn la color roja.

En digipack amb libreton bilingüe (tèxtes de las cançons amb revirada francesa).

Labèl Sirventès.

Lo grope:

La Mal Coiffée, aquò’s lo timbre de votz lengadocian, priogondament ligat a nòstra lenga, lo timbre de los que vivon, trabalhan, charran... defòra : lor cant polifonic acompanhat de percussions nos conta nos, monde vivent en Occitània, amb los eretatges nòstres, las istòrias nòstras.
La Mal Coiffée torna prene la paraula aicí, sus de tèxtes de Laurenç Cavalié, Claudi Alranq, Joan Bodon, David Grosclaude e Auguste Forès, per cantar sas resisténcias contra los "colonizators", quals que sián.

Karine Berny (cant, bombo leguero, petador) ;

Myriam Boisserie (cant, petador, monocorde) ;

Marie Coumes (cant) ;

Laëtitia Dutech (cant, adufe, bendir, tamborins, tamborn, monocorde) ;

Musica : Laurent Cavalié, sus de tèxtes de Claudi Alranq, Joan Bodon, Laurenç Cavalié, David Grosclaude e Auguste Forès.

Titols:

1 - Pim pam !   4:23
2 - Coneguda causa siague   5:06
3 - Del fons del còr    6:15
4 - Aquí que lo d'aicí    4:52
5 - A las molhers que descluquèron Montfòrt    7:10
6 - Flors terrenalas    3:41
7 - Pica l'ora    4:40
8 - La mar de las galèras    3:03

Estrach: