Lo Joan-Peis - J.M. Dordeins - S. Abbadie (Libre + CD)

Lo Joan-Peis - J.M. Dordeins - S. Abbadie (Libre + CD)

Se te passejas per Pirenèias, poiràs veire una montanha de fòrma plan particulara. Faita de doas puas, l'una gròssa e l'autra mai prima, que diriàs una boca dubèrta cap al cèl. Es l'Aussau. Mès lo monde l'apèlan tanben lo Joan-Pèire. E sabes perqué ? Escota...

Adaptacion lengadociana de Miquèl Bertomius. CD audio inclus : Gascon-Languedocien-Limousin-Traduction Française.

Edicions CRDP d’Aquitania - Scèrèn.

Director de la publicacion : Jean-Marie Puslecki (Director deu CRDP d’Aquitania).

Chafrat « Jean-Pierre » peus aussalés, l'Aussau qu'ei lo som emblematic deu Bearn. Deu haut deus sons 2884 mètres que dauneja la vath d'Aussau e lo Bearn. Volcan format a la fin de l'èra primària, que i a haut o baish 300 millions d'annadas, qu'estó negat per la mar a l'èra segondària. Que vedó la lhevada deus Pirinèus au terciari puish la formacion deus lacs au quaternari. Ua de las fòtos mei classicas ei l'Assau miralhant-se en lo lac d'Ajons.
Lo son imatge caracteristic dab las duas puas qu'ei hòrt conegut e emplegat sus mantuns supòrts : afichas, lògos, comunicacion quau que sia, quan vòlen dar un caractèr bearnés a un produit, ua manifestacion...
Un camin que'n da lo torn, per un aute que pòden aténher lo som shens tròp de dificultat dab chic de materiau. L'ascencion qu'ei tanben possibla mes prudéncia, la montanha tot an que dalha en los rengs deus atrevits.
L'Aussau qu'a inspirat los poètas, los escrivans e los cantaires. Ua canta tradicionau que ns'invita a la visita.
Aussau mas amoretas
Aussau jo me n'i vau