Sul pont de veire - Andrieu Lagarda (libre + CD)

Sul pont de veire - Andrieu Lagarda (libre + CD)

En posant a la font de la paraula viva dels contaires de son país, Andrieu Lagarda a sabut far passar dins son escritura tota la fòrça dels racontes populars, entre Aude e Arièja.

21 contes misterioses, meravilhoses e legendaris, risolièrs e amistoses acampats dins una polida garba pel plaser dels mainats coma dels adultes, dins una lenga enrasigada e accessibla (amb un lexic occitan-francés).

En occitan, amb lexic occitan-francés a la fin del libre e CD (mp3 de 2 oras e 18 minutas) que vos farà ausir totes los contes dichs per Camilha Bilhac. Veire las imatges de la taula dels contes.

Edicions Letras d'òc.

L'autor:

Ensenhaire, escrivan, jornalista, lexicograf occitan e inlassable pedagògue, Andrieu Lagarda es un passaire de lenga e de literatura orala.
Sul pont de veire es un recuèlh de vint e un contes occitans amassats a las bolas d'Arièja e d'Aude.
De contes de totas menas, que seràn presats tan pels adultes que pels dròlles. Que, en posar a la font de la paraula viva dels contaires de son país, Andrieu Lagarda sap far passar dins son escritura tota la fòrça dels racontes populars.

Estrach : (debuta de L'ase dels tres pets, p. 75)
"I aviá un còp un òme, sus un aibre, al bòrd del camin, ocupat a ressegar la branca que i èra escambarlat dessús.
Passa un paisan que tornava de la fièira al darrèr de son ase.
Hòu, l'òme ! crida al ressegaire. Se contunhas aquel polit trabalh, te'n balhi pas per cinc minutas que non siás pel sòl las patas en l'aire."

Estrach audio Lo Romiu Romiau.

Contes dau recueil, estrach de l'integrala Les Secrèts de las bèstias:

Le Pont de las Fadas (conte 69)
Riuchiuchiu (conte 38)
Le Romiu Romiau (conte 35)
Quequerequet (conte 36)
Le Secrèt de la Mòrt (conte 109)
Las Capetas (conte 71)
Le Talhuret (conte 105)
Mai le Lhong (conte 3)
L’Ostal dels lhops (conte 83)
Le conte de la dentilha (conte 16)
La Legenda dels Vacairòls (conte 99)
La Legenda del barbarós (conte 70)
Las onze vertats (conte 101)
Le medecin de Sant-Jan (conte 37)