Còntes dal dedins - Revirat da Peyre Anghilante

Aqueste libre nais da la necessitat de portar l'usatge de la lenga occitan des valadas dins un champ fins aüra pas gaire explorat, aquel de la revirada de tèxtes classics literaris. L'occitan des valadas, fins a gaire de temp fa confinat ren que a l'esfèra de l'oralitat, mira e devenir una lenga « normala », a tot reond, adobraa en tuchi lhi champs dal saber social. E la literatura, coma la poesia, es segurament lo champ que permet majorament un confront a visatge dubèrt embe la lenga, ofrís de majoras possibilitats expressivas e lhi redona una comletessa qu'en mai la lenga d'òc a já agut dins l'istòria, tant da se meritar un reconoissiment important coma lo Prèmi Nòbel (Frédéric Mistral, 1904). 16 racònts de la literatura europea amplament conoissuts qu'an en comun la dimension interiora de l'èsser uman, lhi sentiments mai profonds qu'albèrgon en tuchi nosautri, escrichs da de grands autors e investigaires de l'ànim uman coma Cechov e Pirandello, ente de bòts la pròsa semelha esquasi se tramutar en poesia e ente las vòutz di personatges se fan portatritz de las nòstras, en nos acompanhant dins nòstre chamin.