Tot en òc, Diccionari elementari illustrat

TOT EN ÒC, Diccionari elementari illustrat - Mirelha BRAÇ - Robèrt MARTI - Alan ROCH - Joan Claudi SÈRRAS

Un Diccionari elementari illustrat (16 paginas en color per Patrick Goulesque) segon los parlars lengadocians. Un diccionari practic e modèrne de 20 000 dintradas destinat tant als escolans qu’als utilizators quotidians amoroses de la lenga nòstra.

IEO edicions.

Los autors:

Mirelha Braç es nascuda en 1942 a Quilhan dins Aude. Es professora de letras classicas e d’occitan.

Robèrt Martí es nascut lo 21 de febrièr de 1944 a Albi (81). Banhèt dins l’occitan mairal de la Bastida de Sant Just de Viaur. Son percors profesional dins l’ensenhament, e son engatjament cultural an totjorn afortit son amor per aquesta lenga.
President de l’Institut d’Estudis Occitan pendent 10 ans, foguèt lo director del sector Edicion e Difusion de l’IEO : IDECO.
Escrivan reconegut (reçauprà los onors d’Apostrophes amb Bernard Pivot), publicarà mantuns romans en occitan, l’Ombra doça de la nuèch, lo balestrièr de Miramont... qu’auran per cadre la valada de Viaur.
Es tanben conegut jos l’escais de Padena, personatge umoristic amb quin faguèt d’espectacles nombroses.
Son engatjament lo menèt naturalament sus las piadas de Bodon. E es gràcias a son travalh remirable coma President de l’associacion Ostal Joan Bodon que permetèt que siague concretizat un de son sòmis los mai bèls : reabilitar sul territòri que lo vegèt náisser e grandir, lo memòri d’aqueste escrivan, que d’unes sònan lo Camus Occitan.

Alan Roch es nascut en 1952 a Carcassona dins Aude. Regent puèi animator cultural, es tanben autor, traductor e contaire.
Foguèt secretari general a l’IEO (1981-1986).

Joan-Claudi SERRAS es nascut en 1944 dins Tarn. Professor de letras classicas e d’occitan, romancièr, foguèt responsable de las edicions a IEO-Ideco de 1987 a 1995.
Collaboracion a la redaccion del Lexic Elementari (IEO, 1996) e del Tot en òc (IEO, 2002).