D'avèrbi, de prepousicioun e d'interjeicioun en prouvençau - Bernat Giély

D'avèrbi, de prepousicioun e d'interjeicioun en prouvençau - Bernat Giély

La gramatico plan-planet IV

Bernat Gièly countùnio riboun-ribagno d'espepidouna la gramatico prouvençalo à grand ranfort d'eisèmple pesca dins li gràndis obro de nosto literaturo. Fisançous dins l'aveni de la lengo, baio toujou sis esplico en prouvençau.

Après lou tome I : « Li letro dóu prouvençau » de la gramatica plan-planet.
Lou tome II : « L'article, lou noum e l'ajeitiéu qualificatiéu en prouvençau ».
Lou tome III : « D'ajeitiéu e de prounoum en prouvençau ».
Vaqui dounc, vuei, lou tome IV : « D'avèrbi, de prepousicioun e d'interjeicioun en prouvençau ».

La nouvello avançado d'aquelo obro en cadeno pèr aganta lou bon biais d'escriéure nosto lengo.

Edicions C.I.E.L. d'Oc (Centre International de l'Écrit en Langue d'Oc).

Article de premsa:

E de quatre... la pajo 10 de Prouvènço d’aro  resquiho  mai  au  fourmat  d’un  libre, bono-di lou C.I.E.L.d’Oc.

Un  recuei  dis  article  pareigu  dins  Prouvènço d’aro dóu n° 303 à 344. Un bèu travai d’equilibristo, coume l’ai deja  di,  pèr,  mes  à  cha  mes,  rampli  uno  pajo  grandarasso  dóu  journau  “ Prouvènço  d’aro ”  sènso  se  soucita  d’ajougne  un  jour  la  fin  de  soun  fiéu  de tramo gramaticau.Bernat  Giély  es  proun  adré  pèr  teni  lou  cop  sènso  s’embrounca,  soun  escrituro es pas trabucanto. Beileja mai de quaranto an l’empento d’un  journau  en  lengo  nostro  baio  de  tenesoun.

Vaqui  dounc,  la  nouvello  avançado  d’aquelo  obro  en  cadeno  pèr  aganta  lou bon biais d’escriéure nosto lengo.

Tricìo Dupuy, Presidènto dóu C.I.E.L. d'Oc