Cançons e autas òbras bearnesas - Xavièr Navarròt

De las cançons de Xavièr Navarròt (1799-1862), sonque un punhat e son enqüèra conegudas e cantadas uei lo dia. E la soa òbra maja, lo Dialògue entre Mossur Matèu, l'elector, e Jan de Minja-quan-n'as lo bohèmi n'estó pas jamei editada despuish mei d'un sègle.

E totun, los escriuts deu cançoaire auloronés, d'esperit fin e leugèr, que's legen dab gran plaser. Omi de còr, amic deu pòple, Navarròt que's bató tanben dab arsec contra totas las tiranias tà har vàler lo son ideau republican.

Qu'avem putzat a las edicions originaus tà tornar trobar la votz gauchosa e trufandèca deu cançoaire mes tanben la votz pregona d'un poèta vertader.

Ací qu'avetz donc l'edicion la mei completa de las òbras de lenga d'òc.