Bilbon lo Hòbbit o un anar tornar - J.R.R. Tolkien - Sèrgi Viaule

Bilbon lo Hòbbit o un anar tornar - J.R.R. Tolkien - Sèrgi Viaule

Bilbon es un obit que, coma planes hòbbits, auriá presat viure suaudament dins la seu tuta. Mas per el coma per plan maites, las causas viran pas totjorn dins lo sens que voldrián. Es çò qu’arribèt a Bilbon lo hòbbit. Son rescontre amb lo magician Gandalf lo va menar cap a d’aventutras perilhosas. Amb una còla de nans partís cap a la Montanha Solitària en cèrca d’un tresaur. Mas aquel molon d’aur e de pèiras preciosas es gardat per Smaug, un drac que, coma totes los dracs, escupís despietadosament lo fuòc.

L’expedicion traversarà Selvescura que, coma son nom o ditz tan plan, es una immensa selva dels arbres nauts e sarrats. A d’autres moments los bravaires aventurièrs seràn confrontats als alans que se repaissan de carn de tota mena, als endelugals que vivan al còr de la Tèrra, e tanben a d’aranhas gigantas.

Mas, que totòm se rassegura, l’aluserpit Bilbon Saquet tornarà al seu sens tròp de greuges.

Éditions des Régionalismes.

L'autor:

John Ronald Reuel Tolkien (1892-1973), es l’autor mondialament conegut del Senhor dels Anèls, mes en scèna al cinemà amb la capitada que se sap.

Publicat en 1937, Bilbon lo hòbbit es a l’encòp lo premici del Senhor dels Anèls e un classic de la literatura fantastica modèrna o heroïc fantasy. De per lo monde es estat tradusit dins un faramat de lengas. Mancava pas mai que o foguèsse en occitan. Es ara causa facha.

Lo traductor:

Sèrgi Viaule es escrivan de lenga occitana. A ja publicat poesias, novèlas e romans. Es tanben traductor de literatura : La sang de Tolosa e Lo Tresaur dels Albigeses de Maurici Magre, e d’ensages : L’androna islamica d’Hamid Zanaz e Etnisme, cap a un nacionalisme umanista de Francés Fontan.