Ratis - Enrieto DIBON (Farfantello), A l'asard Bautezar

 Ratis - Enrieto DIBON (Farfantello)

Uno nouvello edicioun de “ Ratis ”, l’obro d’Enrieto Dibon que ié disien Fafantello vèn d’espeli emé lou tèste en prouvençau e la traducioun franceso. Edicioun aumentado de la “ Preguiero de Saro ” e d’un temouniage de l’autour sus la “ Genèsi de Ratis ”.
Aquéu libre es presenta pèr Glaude Mauroun que nous ramento qu’Enrieto Dibon es nascudo en 1902 en Avignoun e ié mouriguè en 1989. De soun mestié fuguè coumtablo, pièi journalisto e secretairis-archivisto, mai se passiounè tre sa vintenco annado pèr la Camargo e li letro prouvençalo.
Farfantello publiquè de bèu recuei de pouèmo, en prouvençau, en 1925 “ Li Mirage ”, en 1931 “ Lou rebat d’un sounge ” , en 1934 “ Li Lambrusco ”, en 1973 “ Lou Radèu ” e en 1988 “ Camargo ”, emai en francés en 1982 “ Les grands compagnons ”, en 1985 “ La pouso-raco ” e en 1987 “ La rentrée des classes ”. Pamens soun cap d’obro es en proso e porto lou titre de “ Ratis ”, lou noum antique di Sànti Marìo de la Mar, que lou rouman ié debano l’arribado di Sànti Marìo.
E aqui Farfantello conto l’istòri d’un pople :
“ Alor, erian mèstre d’un inmènse empèri e nosto capitalo èro Atlantis la richo, la fabulouso, la vilo dóu soulèu qu’aubouravo si bàrri esbrihaudant au cor d’un païs ounte frucho, flour, bèsti e gènt èron plus bèu, plus fort e plus urous que sus lou rèsto de la terro. Èro Atlantis emé si pourtegue ufanous, sis estatuo parlanto, si bèsti à fàci d’ome e sis estofo margaiado.”
Farfantello se trobo dins aquéu recit dins la bono draio de Jóusè d’Arbaud.

Article publiat dins Prouvenço d'aro n°323.

Edicions À l’Azar Bautezar !

L'auteur:
Henriette Dibon (Enrieto Dibon), née le 9 août 1902 à Avignon et décédée en septembre 1989, était une écrivaine et poétesse camarguaise, une des fondatrices du Riban de Prouvènço. Elle écrivait sous le pseudonyme Farfantello.

Ce pseudonyme (Farfantello), en provençal aussi imprécis que ce qu'il veut dire, se traduit par « éblouissement, mirage, chimère », tout ce qui accompagne, crée, enchante le rêve vague qui monte des étangs et de la mer dans ce delta bien aimé.
Louis Brauquier, préface du recueil de poèmes Lou Radèu d'Henriette Dibon, 1973.