Lis Iue Gris - Rolande Falleri

Lis Iue Gris - Rolande Falleri

Après « Au Cascai de la Font », recuei de nouvello, e « Sus lou Pountin », recuei de tiatre, tóuti dous guierdouna en 2018 d'un segound prèmi i Jo Flourau setenàri dóu Felibrige, pièi après « Lou Pichot Elefant d'Evòri », recuei de raconte sus la Prouvènço antico, Roulando FALLERI nous pourgis eici soun proumié roman.

Dins uno vilo de Prouvènço, un vièi mendicant arribo chasque an à la bello sesoun pèr reparti à l'autouno. Quàuquis ami van assaja de descurbi quau es aquel ome saberu e coume s'es retrouba à quista pèr carriero. Uno cabussado pougnènto dins lou passat d'un persounage afraiènt.

Rouman bilingue : ouccitan prouvençau-roudanenc / francés

Edicions Nombre 7.

Publica emé l'ajudo dóu Felibrige

L'autour:

Roulando FALLERI-GAROSTE. Nascudo à Niço en 1952, d'un paire mesteirau e d'uno maire mestresso d'escolo. Intro en 1969 à la Faculta de Medecino de Niço. Se manda à-n-un Nicard que vèn d'espeli proufessour de Letro. Fan soun Sant-Miqueu a Limoge ounte reston cinq an. Elo i'acabo sis estùdi de mege. Mudon si catoun à Nime, pièi à Carpentras, pèr à la fin planta caviho à Perno-li-Font en 1984. Fara uno carriero de medecin dou travai dins lou Vau-cluso. An agu tres enfant.
Afougado tre l'enfanço dou parla de sa grand de-vers maire, se groupo a aprendre la lengo prouvençalo en 2004 à Perno, Mountèu, pièi Mazan. Dempièi 2006, s'assajo à l'escrituro en prouvençau de pèço de tiatre, de nouvello e de pichot raconte. D'ùnis obro soun estado guierdounado dins de councous literàri.
Aleva de quàuqui tèste publica dins de revisto, la maje part di trobo soun inedito.