Un brigalh de pèira blua - Joan Loís Lavit

Un brigalh de pèira blua - Joan Loís Lavit

Pr’amor de húger las orrors de la pèsta e possats per la hami d’aventuras, dus gojats pirenencs que s’embarcan tau Canadà, país qui n’èra pas enqüèra conquesit cap e tot per las armadas deu rei de França.
Au miei deus trebucs e deus miscaps que van descobrir pòples e societats plan diferents de çò de casa.

Un beròi roman d’aventuras de Joan Loís Lavit, en occitan gascon.
Dab un lexic occitan-francés.

Edicions Letras d'òc.

L'autor:

Joan Loís Lavit (1959, Lorda). Familha lavedanesa occitanofòna, mair regenta e pair obrèr d’usia. L’occitan qu’ei tostemps estat e qu’ei la lenga de la familha. Leguidor de bandas dessenhadas e de SF americana, que descobreish la literatura occitana e l’occitanisme a 17 ans, cap a la fin de las annadas 70 a l’Escòla Occitana d’Estiu e dab l’Institut d’Estudis Occitans.
Especializat en ensenhament de l’occitan a l’escòla publica desempuish 1982 e ara retirat.
Que’s lança dens l’escritura a l’aurèra de las annadas 90. Manejant l’escritura teatrau autanplan com l’escritura de romans e novèlas, qu’ei adara vadut un deus autors occitans de compte har: Zocalfar, Hont Blanca, Lo Tin-Tin d’Ergé, Las moscas, Blind Date, Escura, la nueit, Bèth peu de sau.