200 devinetas - Onorat Dambielle - Deux cents devinettes en pays d'Oc

200 devinetas - Deux cents devinettes en pays d'Oc - Onorat Dambielle

Jo sabi ua causa, verdiusa, verdausa… o Qu'es aquò, qu'es aquò ? Las formuletas qui anóncian las devinalhas que son nombrosas en occitan e qu'amuishan plan tot lo shuc d'aqueras questionetas enigmaticas.

Jòcs de mots e d'esperit, trufas, dobles sens, equivòcas qui pòden estar eroticas de quan en quan, que permeten uei lo dia com autes còps de jogar dab la lenga occitana.

Que los jogadors sian mainats, escolans, adultes o ensenhaires.

En 1928, Onorat Dambielle que hasó paréisher a Samatan, dens lo departament deu Gèrs, un liberet titolat Nos devinettes gasconnes sus las soas premsas de l'Imprimerie occitane. Qu'ei lo libe que tornam publicar uei e qui demora ua de las cuelhudas las mei hornidas deus país d'òc.

Edicions Letras d'òc.

L'autor:

Onorat Dambielle (1873-1930). Gavidaire a Samatan (Gèrs) d’un petit ostau d’edicion occitan e d’un talhèr d’imprimeria, qu’estó tanben un autor pro divèrs : teatre (Le perdou, La caritat, Las caussos trop courtos…), roman (O moun païs), editor de recuèlhs d’arreporèrs e d’endevinalhas… Qu’avó lo projèct de publicar tota ua garba de liberets de contes mes an podut paréisher sonque los Countes de Priou (1924) e los Countes animaliès (1927).