Cardo - Sarà Laurens

Cardo - Sarà Laurens

Dins aquest second voluma de novelas, la jove autor Sarà Laurens s'es estacada a descrire un quartier provençau.

"De fadadas que cridan, d'òmes qu'an una dobla vida, de singes amai de bandits en cavala, de raubaments, de murtres e una vesenta au mitan... Lo grand balèti de la vida vidanta per lei richàs e lei paures dins un quartier a la sortida de la guèrra."

De notar que Sarà Laurens a donat a tornar legir las novelas au Bernat Moulin qu'a ja fach lo dictionnaire français-provençal dau Creo Provença.

Extrach:

« A la Grand, li fasiá ren de se desplaçar dins la sornura qu’èra guidada per lo lume de l’espeçariá. Mai au moment que preniá la ponhada de la pòrta, quauqua ren se roncèt sus ela e assagèt d’intrar de fòrça. La Grand udolèt. Una ombra de peus negres se botèt a esquilar tanben, una ombra fòrta : un singe. La Grand capitèt de se precipitar dins la botiga en clantissent la pòrta e laissant lo monin defòra, totjorn gingolant, picant sus la veirina. »

L'autor:

Sarà Laurens viu a Marselha e collabòra a fòrça revistas (coma Aquo d'Aqui). Publiquèt en cò d’IEO Edicions, dins la colleccion Atots, lo recuelh de novèlas Sus lo viu que recebèt lo Prèmi Pau Froment en 2010.

Edicions IEO-CREO Provença, colleccion Memòris.