Lo Decameronet - Robert Lafònt

Lo Decameronet - Robert Lafònt

Novèlas

Un rodelet d’escrivans congressistas que subrevivon aclapats dins los escombres d’un castèl d’Urbino. Jos la fusta pintada que retarda lo desastre dònan vam a lors pantaisses erotics. La paraula creairitz desfisa la mòrt.

Lo seu títol es, de bon entendre, una guinhada de cap a la tradicion bocaciana. Per çò qu’es  de  l’“encastre”  :  un  rodelet  d’escrivans  congressistas  que  sobrevivon  un  moment aclapats dels escombres d’un castel d’Urbino, enganan la mòrt en jogant sus Eròs e donan biais a sas fantaumas personalas. La “cort d’amor” del Bocaci ven aital una caunha, anticipacion del clòt ; mas se tracha totjorn d’una allegoria de la paraula creatritz que desfisa la mòrt.
La primiera persona de cadun dels charraires es lo mejan d’esconjurar la malemparada,  en  fondamentant  sul  lengatge  la  certitud  d’una  realitat  multiforma.  Dins la festa dels paraulisses, jos la fusta pintada que retarda lo desastre, s’entrenan istòria e mites, versemblanças e inversemblanças de l’escaquièr cultural europenc. Lo mistèri que plomba  sus  aqueles  racontes,  per  la  màger  part  “sens  solucion”,  nos  convida  sai  que  a formular d’ipotèsis recebablas de sobrevivença en delà de l’apocalipsi de la civilizacion planificada d’ara que sèm. Pr’amor d’aquò, la majoritat son de somiariás solaras en omenatge a l’aire liure e a la libertat del desir uman.

Edicions Vent Terral, coleccion Paratge.