La Coa de la Cabra - Cristian Laus

La Coa de la Cabra - Cristian Laus

Prèmi Pau Froment 1978 – Dessenhs de Clàudia Cohen-Dubrana – Raconte

De vèrs 1940, un enfant de vinhairons dins l’univèrs claus d’un vilatge. La familha, la natura, lo trabalh, vistes pels uèlhs d’un mainatge. Lo jornal pòrta los ressons de la guèrra. La patria, sola se’n tracha l’escòla…

Una comunautat vilatgesa viu, trabalha la vinha e se retròba per jogar. D'un an a l'autre, al pas del temps, Fabian descobris aquel mond que l'enròda. Dins sos uèlhs de mainatge tot es nòu e cande coma un primièr matin. Mas convèrsas e jornals pòrtan las menaças del defòra... La guèrra es presenta per darrièr.

Colleccion Paratge, edicions Vent Terral.

L'autor:

Cristian LAUS nasquèt en 1934 a Cessenon Lunhan (Erau) e moriguèt a Albi en 2002. Sa formacion scientifica l’aviá menat a l’Escòla superiora de l’Ensenhament Technic de Cachan. Ensenhet puèi las sciéncias fisicas e l’occitan a Albi.
President de l’IEO de Tarn (1997-1999), escribèt La coa de la Cabra (1978), garriguenc (1997), Los Uèlhs de l’Anhèl (1999). Faguèt òbra de lingüista de tria amb son Dictionnaire Français/occitan (1997) e son Dictionnaire occitan/Français (2001).