Lo Tablèu - Antòni Viguier (libre numeric)

Lo Tablèu - Antòni Viguier (libre numeric)

Novèla de Dark fantasy en provençau

Èra un tablèu, de prima abòrd pron banau e ai colors aitant sòbrias que sornas; en màger part pench embé de nuanças de marron. Pasmens, ressortiá d'aiçò una aura que non auriáu sachut explicar.

Mèfi ! Es un libre numeric, es a dire un fichier PDF de descharjar. Mercé d'estre segur d'aver lo logiciau necessari per la lectura (lector PDF).

L'auteur:

Antòni Viguier es un joine escrivan e poëta Provençau de lenga occitana, nat à-z-Ais en 1994. "Escrivi principalament d’òbras de fantasiá (dark fantasy) e d’orror dins l’esperit de Andrzej Sapkowski, H.P. Lovecraft o encar Edgar Allan Poe."

Extrach:

" Èri partit à l’auba de l’ivèrn en direccien dau Sud, per veire lei Reiaumes miegjornaus de qué parlaviam tant à la cort dau Rei, e èri tornat en cò mieu, dins mei montanhas, au près de ma frema e de mei doás filhas, qu’après lo començament de la prima. En ma qualitat d’amator d’òbras artisticas de tota mena, èri partit dins l’esper d’entornar emb ieu aitant de tablèus colorats e d’instruments de musica estranhs que m’èra possible de transportar dins mon carriòu.
   Mai en realitat, èri de retorn entre lei mieus embé ‘na soleta òbra entre lei mans…"


P.19 : "    Mon obsessien per aquest objècte non cessava de créisser, e veniá per moments mau-sana. Careçavi inlassablament la tela, seguissent de mon index la corbadura de sei fòrmas, e me pauvant d’innombrablas questiens sus esta misteriosa frema à la beutat suggerida, aitant graciosa que trista, talament nòbla e umila au còup. Tre que barravi leis uelhs, me veziáu penchenar sei lòngs cabèus de fuec e d’aur"