Ciutats dins L'Azur - Jean-Frédéric Brun

Ciutats dins L'Azur - Joan-Frederic Brun

Dins aqueste recuèlh de dètz novèlas fantasticas, Joan Frederic Brun convòca los dius e divas que tant aima.

Aqueste libre que's pòt en prumèras léger com un reclam deu son roman Lo retrach dau Dieu Negre : las Ciutats dins l'Azur qui dan lo lor nom au recuelh que son ciutats de la Grècia antica d'un univèrs parallèle on los dius de l'Antiquitat existeishen. Las novèlas qui segueishen que's situan tanben en un aulhors indefinible, en quauque part enter sciéncia-ficcion e fantastic, on s'i trebuca tant faunes e satirs com personatges de l'Exòde. Au miei deu recuelh, en contrapunt, La drilhança agostenca que's pòt léger com un relat realista crudèu eishenge on cercarén en de batles ua morala.

Joan Frederic Brun que'ns prepausa ací diferentas facetas deu son talent de contaire, en aqueth lengadocian orientau dejà illustrat per Max Roqueta.

Colleccion Terra incognita n°7, edicions Reclams

L'autor:

Joan-Frederic BRUN, nascut en 1956 a Montpelhièr, descobriguèt tot jovent qu’aquel praulís liure coma lo vent que florissiá a la boca dels vièlhs èra dempuòi mil ans una granda lenga de literatura... Ont se podiá retrobar la vida druda e gostosa, las colors, las sentidas, lo païs dins tot son ample, portat per aquela sintaxi que se plega au reglet de l’imaginacion a luòga de li servir de carcon. Dempuòi sos primièrs poèmas (1974) fins al roman, Lo retrach dau Dieu Negre (A Tots, 1986), e Setembralas (1994).

Mètge espitalièr e cercaire, collaborator de la revista ÒC, publiquèt en 1979 son primièr recuèlh de poèmas «Estius e Secaresas»