La gèsta dau Montamametas - Lo Montamametas

La gèsta dau Montamametas - Lo Montamametas

La Gèsta dau Montamametas es tot primièr un blòg sus l’internet que s’empeguèt una nòta de las bonas en segonda annada de licéncia, de cronicas difusadas un temps sus ràdio Lengadòc Montpelhièr (95.4). Dempuòi 2012 es tanben una bilheta trimestriala dins lo Canta-Grelh revista famosa dau Grelh Roergàs per benlèu dire lo mond descabestrat que i vivèm d’un biais galòi e risolièr, « una bilheta dau biais d’un dessenh de premsa, un liuç que vos ven petar dins l’uèlh », dins l’èime clapassièr dels davancièrs de la Campana de Magalouna evidentament.

Edicion IEO Lengadòc.

L'auteur:

Lo Montamametas
Orientau dau Lengadòc, escotaire naturau d’una lenga qu’èra a mand de s’escondre luònh de la vida vidanta, l’anère quèrre ont s’amagava : de la plaça dau vilatge a la cava cooperativa, dels corses de l’escòla vièlha dau Paratge a la fac, promocion « botifarras ». Memòri sus La Campana de Magalouna. Montamametas dins la vida vidanta per faire bolhir una topina magrostina (topina or not topina ? Aquò’s aquò la question !), m’entache de portar aquela lenga un pauc d’en pertot ont barrutle tant coma amb los amics de la Roquetia -lo país que Max Roqueta i fasiá de doctor- o au dintre de l’IEO. E rau !
Aime la Santa Verge, lo vin d’aquí, la filosofia dau maset e la galejada clapassièira. Enamorat de garriga e de Verd Paradís.

Quane Rambalh per un libre !

« La gèsta dau Montamametas Un libre que t’espelofís ! »

Nanard de Ventadorn: E’l Montamametas del Pòg Abonis si fo molt gentil òm, e bels e avinenz,  prince de la vèrba e senhor de la lenga. E cantava mièlhs e mai fòrt qu'om del monde, e fon bon trobaire, et alandet son trobar. Et enamoret-se de la Campana Magalonensis. E fo de son calam galhardia ab bons sons et ab paubres motz... Et amava l'odor dau bròc mièlhs qu'aicela de la cistèrna del maset, et anèt per ràdio Lengadòc e fon grazit el sèu cantar. E venc-se en en Roergue, en la cort del Grelh. Et el be.l va acolhir e li fetz grans bens e si en fetz maintas bonas cronicas de las que aissí son escriutas pluzors. 1
[1] [lo Montamametas dau Puòg Abon foguèt òme nòble e avenent (NDT : avinat tanben), prince del vèrb /paraulas e senhor de la lenga. Cantava melhor e mai fòrt que cap d'autre òme sus tèrra e foguèt bon trobador e faguèt de trobar alandat. (NDT : ≠ trobar clus) E tombèt amorós de la Campana de Magalona. Compausèt fòrça plan amb una bona musica e de paures mots… Aimava mai l’olor dau bròc a aquela de la cistèrna dau maset. Anèt sus ràdio Lengadòc e son cant foguèt presat, se’n venguèt doncas en Roergue auprèp del Grelh que l’aculhiguèt fòrça ben, e i faguèt moltas bonas cronicas que ne traparetz mai d’unas aquí. ]

 La vidassa dau Montamametas »  atribuida per d’unas escòlas a la Trobairitz dau Sant-Clar mas per d’autras au quiti Nanard de Ventadorn.

 « La partie vinasseuse de la République peuplée de bâtards méditerranéens, de Narbonoïdes dégénérés, de nervis, Félibres gâteux, parasites arabiques trouvera dans cette Épopée du Stannah son livre de chevet ! »

Mounted-Great Mother, What else ? Cloney George

Sydsvenskan, Marit Härngren“Alldeles för bra, Mozart, Cezanne och Montamametas”! « Tròp bon, Mozart, Cezanne e lo Montamametas ! »

Jaume Lescur de Sant Clar :« Aicí biscam pas !  »

Quand se parla dau Montamametas per lo Nobèl !« Björnholmen snudda kråkris duktig äpplarö peppar kakadeg västerön sladda kallax blanda fjellse färgrik ikéa böja malm ! »Per la revirada vos podètz petaçar sus https://lar5.com/ikea/

Un comunicat  de Monsur lo Ministre de l’educacion nacionala de França :"D'un point de vue pédagogique, il y aurait beaucoup à discuter autour de ce livre. On pourrait arriver à dire que cognitivement, ce n'est pas si bon que ça, précisément si l'enfant est mis dans la situation d'ignorer la langue française."

« Mas perqué m’an pas dich a l’escòla çò milhor dau Montamametas ? » Marti.

L’Escoutaire : « Aquí un ramelet de polidas flors de retorica clapassièira ! »

N'i aurà pas per totes !"La gèsta dau Montamametas", totas las mametas  ie corrisson coma cabras a la sau !