2800 signes - Alan Roch

2800 signes - Alan Roch

Recuelh de las cronicas "Lo papieròt menerbés" de "La semaine du Minervois" dintre 2012 e 2014.

Cada setmana, dempuèi dotze ans, per La Semaine du Minervois, Alan Roch ecriu una cronica Lo Papieròt menerbés, d'una longor marcada a jamai dins lo marme de Caunas : 2800 signes.
L'autor ne profita per dire e metre en abans : l'engatgement per l'occitan, la passion pel rugbí de 13, lo dreit imprescriptible de beure un còp de vin, la memòria dels aujòls catars, paratge e convivéncia, la frairetat òme-ors, lo respècte de la Natura, lo refús del jacobinisme e de l'extrèma-dreita, los riscs de la dematerializacion de la societat, lo plaser dels mots (jòcs, desviraments, provèrbis,...), la permanéncia de Carnaval, un agach ironic sur l'actualitat d'aicí e d'endacòm mai...

Coma ditz Lo Legeire : " Lo Papieròt es plan mai qu'un articlòt ! "

Edicions IEO-Lengadòc (Institut d'Estudis occitans).

L'autor:

Alan Roch (Carcassona, 1952) es un occitanista multi-activista : contaire, cronicaire, charraire, animator, redactor, editor, maquetista, spectator, navegator (del Net), reviraire, miaire, transportaire, portaire de bandièras e plancardas, plegaire de cadièras, ...