... de roge e de negre... / ... de rouge et de noir... - Joan Loís Cortial

... de roge e de negre... - Joan Loís Cortial

Los mediàs te dison, te fan veire. E dins ton canton cridas, te revòltas contra l’inacceptable ! Del còp, participas, militas. Mas ne fas pro, en fin de compte ?
Alara perqué pas l’escritura ?
Vaquí quatre novèlas coloradas de verd puèi de roge, belcòp de negre, mas puslèu pintradas de patiràs, d’injustícia. Los òmes, son capables… de tot. Capables de far mal e de far de mal.

Dins « …de roge e de negre… » i a d’esper ? Al legeire de cercar.
A tu de veire. Cossí que ne vire, demòra lo plaser de la lectura !

La societat vista dins sa salvatjariá tota, los mediàs la te dison, la te fan veire. Qué faire, solet dins ton canton ? Rejónher los autres per militar ? Aquò serà pro ? En mai de miltar, l’autor causiguèt tanben d’escriure aquestas quatre novèlas :
- Buenos Aires : un esper, ça que lai, après lo drama ?
- La partida de tennís : una mena de resistécia dins un camp de presonièrs…
- L’uèlh de santa Bernadeta : las violéncias amortidas de las gents "ordinàrias" contra la diferéncia…
- … de roge e de negre… : machisme, violéncia rotièra e sofrença animala.

De racontes sòbris, mai elliptics, que ne’n son que mai vigoroses.

4 novèlas bilingüas en occitan lengadocian (p. 3 a 51), seguits de la revirada francesa (p. 53 a 92).
Tèxtes de Joan Loís Courtial, fotos de Laurent Tabouriech.

Edicions Edite-moi !

L'autor:

Joan-Loís Cortial nascut al Vibal en Roèrgue en 1953 agèt coma primièr professor lo sieu papeta !
Una vida facha d’un pauc de tot : fabricant de quilhas de uèch, animator del sieu vilatge amb maites artesans, professor d’Occitan, d’Istòria e Geografia, escrivan e cantaire.
Compausèt de cançons. Las cantèt amb sa femna, la cantaira Rosalina, amb lo grop « Fai lum », dins los espectacles « Cridals », « Sul camin ». Puèi, subretot… las cançons pels enfants que « metèron lo fuòc » dins las escòlas de las doás regions vengudas uèi « Occitania » de 1995 entrò uèi.
Ara ? Totjorn de musica, fòrça teatre e l’escritura de novèlas e romans.