L'uèlh de Caïn - Miquèl Deit

L'uèlh de Caïn - Miquèl Deit

Adam, Èva, Caïn, Abèl, Sèt, Noè, Moisès, Josuè, Jòb, L'Etèrn.

Un agach del punt de vista uman sus la creacion del monde e unes episòdis de l’Ancian Testament. Seretz benlèu estonats de trapar aicí un Caïn un pauc diferent de lo de la Bíblia. En particular, dins l’episòdi de la mòrt d’Abèl. L’explicacion n’es simpla : vist que totes los descendents de Caïn son mòrts dins lo grand aigat,. Coneissèm pas d’aquela istòria que la version que ne donèt la familha de Noè que descendiá d’Adam. Per revelar l’Istòria vertadièra de Caïn, l’autor a demandat sa version a l’Etèrn.

Miquèl Deit explica los racontes inspirats del personatges biblics: « Per nos faire bèla la vida, avèm mai d’una còrda a nòstre arc : la Poesia, la Filosofia, l’Òme-Nadal, l’Amor e l’Umor (Aquel Umor que nos apara de las agressions del defòra e apara los autres de nòstre orguèlh). Amb tot aquò, avèm de que esclairar, emai enluminar, nòstra vida, coma l’arcanèl embelís e embelina lo Cèl…. »

Amb aquestes racontes, l’autor prepausa un agach prigondament uman e impertinent suls episòdis-claus de la Bíblia e suls personatges fòrts de l’Ancian Testament : Dieu lo paire, Abèl, Caïn, Jòb, Noè e son arca, Moïses e las taulas de la Lei, Sèt-Satan, Josué,... tot en prenent quauquas libertats amb los tèxtes sacrats.

Prefaci Jòrdi d'Olmèras.

Colleccion Vendémias, IEO-Aude edicions.

L'autor:

Narbonés dempuèi 1976, Miquèl Deit es un membre actiu del Cercle Occitan de Narbona ont anima, en particulièr, talhièrs de lenga.
A publicat en 2022 un recuèlh de poèmas : Arcanèls.