Eglògas - Pey de Garros

Eglògas - Pey de Garros

Poësias gasconas - Edicion bilingua establida per Joan Penent.

Las Eglògas de Pey de Garros que son la partida la mei originau de las Poësias de Pey de Garros publicadas en 1567 a Tolosa. A l'imitacion de las Bucolicas de Vergèli, dens petits tableus pintrats dens lo campèstre lomanhòu, l'autor que hè dialogar pastors dens ua lenga populara, on s'i pòden trobar reclams de cançons popularas, de jòcs de mainats, d'arreporèrs o de credenças vielhas.

Dens un temps de guèrras civilas e de pelejas religiosas, Garros que denóncia tanben la soldatesca qui non pensa qu'a raubar lo ben deus praubes paisans e los  eclesiastics qui presa mei los escuts de la desma e los presents crubats suu praube monde que lo servici de Diu e deus praubes.
Shens desbrembar las amors contrariadas, e allegorisadas, qui ligan e desligan los parelhs segon las inclinacions de cadun e cadua.
Dens la loa diversitat tematica, las Eglògas de Pey de Garros que son, de vertat, ua òbra fondatora de la literatura occitana modèrna.

Pr'amor de la soa coneishença precisa de la lenga deu parçan e de l'istòria de la tempsada, Joan Penent qu'esclareish mantuns tròç deu tèxte de Garros e que'ns balha interpretacions originaus.

Lo tèxte originau qu'ei acompanhat d'ua traduccion francesa, de comentaris, d'esplics e de nòtas.

Edicions Letras d'òc.