Escotar la vida - Lisa Gròs

Escotar la vida - Pampalhetas de lutz - Lisa Gròs

Un recuèlh de poèmas per escotar la vida e la gaitar rajar coma un flume capriciós amb sas jòias, sas penas, sos espers, sas fèstas, sas dolors. La segonda part del recuèlh Pampalhetas de lutz es una òda als taures de Camarga dins sas dimensions mitologicas e etnologicas.

Lisa Gròs es filha de la garriga e de la palun.
A travèrs lei classas de son paire Jòrgi Gròs, ensenhaire Freinet, autor e contaire, Lisa seguiguèt lei meteis camins qu’el e que li donèron l’amor de son país , de sa lenga occitana e l’enveja de partejar amb sei legeires aquelei doas passions : sa tèrra dau miègjorn, a riba de la Mar nòstra e lo buòu sauvatge de Camarga, la bèstia misteriosa qu’i senhoreja.

Colleccion Vendémias, IEO-Aude edicions.

L'autor:

Nascuda a Nimes en 1943, mas filha de la garriga e de la palun, de per lei pòstes de regent de son paire, l’escrivan e contaire nimesenc, Jòrgi Gròs, Lisa Gròs fuguèt regenta puèi mèstre formator especializat en lenga e cultura regionala a l’IUFM de Nimes (30). Militanta occitanista, aparaira dei tradicions regionalas, s’investiguèt tanben dins lo domèni de la Corsa Camarguenca. Laissèt lo mestièr d’ensenhaira en 1990 per venir contaira e autora e selhonèt  dempuèi lei rotas de França e d’Occitania per « Faire parlar lo país ». Presidenta de TèVéÒc, television occitana pendent 13 annadas, se consacra ara a la defensa e la promocion de la lenga e la cultura occitanas.