Sextina pel país d'Òc - Jean-François Marcel, Alan Roch

Sextina pel país d'Òc - Jean-François MARCEL, Alan ROCH

Aqueste libre es lo resultat d'una recèrca-intervencion creacion que regropèt sièis poètas, sièis cercaires universitaris e un plastician per prepausar, mercé a lor collaboracion, una coneissença originala del País d’Òc a partir d’escambis e controvèrsias que viran a l’entorn de sièis concèptes emblematics: Cosmogonia – Desir – Lengatge – Mesura – Praxis – Transmission.

Lo libre rebat l’encaminament que foguèt adoptat : cada capítol s'obrís sus una creacion del plastician Didier Mir, seguida pels poèmas dels participants : Paulina Kamakine, Eliana Pinhòl, Miquèla Stenta, Eric Fraj, Alan Roch e Gerard Zuchetto.  
Aquelas òbras son puèi analisadas pels cercaires de l'unitat "Educacion, Formacion, Trabalh, Sabers" (Universitat Tolosa-Joan Jaurés) : Dominique Aussel, Véronique Belin, Dominique Broussal, Jean-François Marcel, Manon Delbreil.  
Enfin après un debat, lo grop dona una sintèsi.  

Obratge collectiu bilingüe (tèxte occitan, seguit de sa traduccion francesa), amb qualques illustracions en color.

Poèmas originals en occitan; estudis en francés, sos la direccion de Jean-François Marcel (UMR-EFST) e d'Alan Roch (IEO 11).

Colleccion Vendémias, IEO Aude.

Sos la direccion de:

Jean-François Marcel est Professeur à l’Université Toulouse Jean-Jaurès où, depuis deux mandats, il dirige l’UMR EFTS. Il est également responsable de l’offre Master du Département des Sciences de l’éducation et de la formation et élu à la Commission Recherche de l’Université.

Alan Roch es nascut en 1952 a Carcassona dins Aude. Regent puèi animator cultural, es tanben autor, traductor e contaire.
Foguèt secretari general a l’IEO (1981-1986).

An pres part al trabalh:

• Costat poèmas : Eric Fraj, Paulina Kamakine, Eliana Pinhòl, Alan Roch, Miquèla Stenta, Gerard Zuchetto (e unes tèxtes del Miquèl Decòr)
• Costat cercaires : Lucie Aussel, Véronique Bedin, Dominique Broussal, Manon Delbreil, Jean-François Marcel, Thierry Piot
• Plastician : Didièr Mir
• Direccion : Jean-François Marcel & Alan Roch ; projècte menat per l’Universitat Joan-Jaurès de Tolosa e la seccion d’Aude de l’IEO
• Prefacis : Benjamin Assié (CR Occitania-Pirenèus-Mediterranèa) ; Elèna Sandragné (presidenta CD-Aude)

Presentacion video:

Un obratge ric a l'encòp de produccions artisticas e de reflexions sus çò qu'es, sus çò que pòt èsser lo País d'Òc uèi.

Estrach de l'emission Viure al País, diffusat sus France 3 Occitanie lo 16 de fevrier de 2025.