Lo Cant dels Millenaris seguit de Dieusses Primièrs - Ives Roqueta

Lo Cant dels Millenaris seguit de Dieusses Primièrs - Yves Rouquette

« Ives Roqueta 60 ans de creacions occitanas ». Aquò's lo tèma de la mòstra e de l'omenatge amistós balhats a Sant-Africa, a la prima de 2012 per l'Ostal de la Memòria de Sant-Africa e l'associacion cap l'Òc a l'escrivan e amic qu'i acompanhèt totas las accions per espandir viva e fòrta la lenga e la cultura occitana. A l'estiu de 2012 a Rodés dins l'encastre del festenal « Estivada », Ives Roqueta presentèt en lectura publica, en creacion, aquestes « Dieusses Primièrs » dins la cort del Musèu Fenaille qu'albèrga uèi la màger part de las estatuas ficadas d'òmes e dònas de pèiras neolitics d'aicí. Aquí la permanéncia de la pensada e de la paraula de l'escriveire. Ives Roqueta s'es fach escriveire public per portar la paraula del pòble d'Òc. Paraula viva, memòria viva, memòria neolitica e memòria al present dins los poèmas, los racòntes, los romans, los contes...

Del »Cant dels Millenaris e Dieusses Primièrs » coma resson al « Poèta es una vaca e Èrbas baujas » l'Associacion CAP l'ÒC a volgut, amb aquestas doas edicions, balhar a conéisser mai, comprene mai o descobrir aquesta paraula d'òc originala e unenca, viva e universala.

Lo tèxt occitan es acompanhat de la revirada en francés per l'autor.

Cap l'Òc.