Doctors de Trobar - CD

Doctors de Trobar (CD)

CD agotat...

Un projecte vertadierament hip hop amb Drac, Chab, Inti (membres de Mauresca) e Yellow.

 Los uèlhs e la boca tojorn plan dobèrts, los lyrics rajan d'un flow inchalhent, coma s'amusan de chimar una aniseta en riba de Mediterranèa.

Pacific ? Pas totjorn, e subretot pas quora aquò charra autò-tuna e poder, a aqueles que los partatjan pas. Los doctors del trobar clar son del caire del popular, d'aquel que pren son temps per viure e se pausar entre doás galèras.

Calorós, coirat, bronzinat, groovy, lo son pregond se muda quora o cal en napa de trap minimala e electrò. Los Doctors de Trobar es pas l'Atge-Mejan, es l'instru alternò e la punchline cocò, lo rap engatjat d'aquel que se bat e lo rap desgatjat d'aquel que s'en bat, son de tons reggaeton per pas se perdre la latinitat, es un transpòrt comun dins l'underground de nòstras societats, entre Montpel', Panam, Friscò e Tijuana.

Mai America del Sud que Sud de França, mas francofònas amb l'accent, las influéncias multiplas emplaçan las identitats quora de las bandièras gardam pas que lo margue, se parla de tot e puèi de res, s'esvelhan los sens e se trabalhan las fòrmas, lo cap plen de projèctes e los contra-pès dins l'aiga.
 

Assostats a la prod per DJ Kayalik (Massilia Sound System), Yellow, Chab, Drac e Inti traçan cadun dins lor latin quatre camins que mènan totes un aròma de rap game, a tastar sens tròp los testar. Lor trobar i va lèu, rude e sople, explosiu e festiu, sens jamai renegar los acòrds melodioses d'una suauda malenconiá. Chila !

Titols:

1. Intro - 0:59
2. Doctors de Trobar - 5:11
3. Larguesa - 3:13
4. Ròsas de mai - 3:30
5. Occitan Bambaataa - 4:05
6. Trobar clus - 1:41
7. La bèstia - 4:08
8. Flor enversa - 3:05
9. MC Pedagogic - 3:47
10. Excuse my provençau - 2:25
11. Mon folclòr - 4:12
12. 33 torns - 4:51
13. Instru de trobar - 5:11
14. Occitan instrumentau - 4:05
15. Larguesa - 3:13

Extraches: