Lo melic de Silvia Chasaus - Eric Gonzalès

Lo melic de Silvia Chasaus - Eric Gonzalès - ATS 136

Com a l’acostumada que’m reconeish, lhèu a la mia manièra de barra la pòrta, e que lhèva lo cap, o meilèu que pausa L’EQUIPE suu burèu e :
- A, Heugars ! Que’m hè gai de’vs véder !, ce’m hè, en parlant dab li cigarro en la boca. Aquera arcuelhança n’anóncia pas arren de bon. Quan lo hè gai de’m véder au comissari, qu’ei tostemps per’mor que m’a a hicar sus l’esquia un ahar dificil. De fèit, que m’aborreish tot de trac :
- Que’vs vatz ocupar de l’ahar Visenç Labaisha !
- L’ahar Labaisha ?, ce disi, estarrabonit.
- Se legète la premsa, s’espiàvatz la telé, que saberetz de qué parli, Heugars ! Visenç Labaisha, de Gelòs !

Colleccion Crimis - A tots n°136, IEO edicions.

L'autor:

Eric GONZALÈS, vadut a Pau en 1964, que passè lo son temps de mainat a Gelòs, au bèth ras de la capitala deu Bearn. Qu’escriu de 1991 ençà novèlas, publicadas per la màger part hens la revista Reclams. Publiquè en 1996 : L’òrra istuèra d’un hilh de Gelòs (colleccion A tots) on se tròban ja personatges del «Melic».