Suça-sang connexion - Florian Vernet

Suça-sang connexion - Florian Vernet

Roman policier en occitan: una enquista agitada entre z-Ais de Provença e Tolon.

I a de retorns de vacanças plan bolegats... Es çò qu'arriba a l'inspector Gaspard Besson : doas joventas de Tolon, Maria-Magdalena e Peggy, son misteriosament disparegudas e probable que son pas soletas que las disparicions se son multiplicadas dempuèi los mes passats. vèn urgent d'arrestar l'emorragia ! Tre tornar au Comissariat centrau de la vila, aquí l’avètz lançat sur l'afaire.

Es la reedicion d'aquel polar paregut en fuelheton dins "La Marseillaise", en 1994.

Extrach:

« Una escasença ansin, la retrobarai pas : en dos temps, tres moviments escali lo grasilhatge, sauti de l’autre costat e corri, lo 357 a la man, coma un madur, en direccion de la bastida. La pòrta es pas estada barrada, enquilhi dins l’ostau au moment que lei dos mostres son sus mei talons. L’ai passada bela. Ausi lei doàs bestiòlas que japan un moment puèi se taisan. Comprèni que se son cochats, sus lo lindau, sabon que m’auràn a la sortida. »

"En espepiudant lo fichier de Peggy, lo lume se fa. Lo lume, bessai pas, mai la poncha de la coá d'una intuicion. Magdalena e ela, finala, se semblan pas mau, son brunas, grandas, la mema peu, lo meme atge quasi, un aire, qué, e bessai mai. Es ben tard mai vòli verificar mon ipotèsi, sòni lei Chocanha Dubul e li demandi se sa filha, per astre, seriá pas dau grope A+. Confirmacion."

L'autor:

Florian VERNET (Besièrs, 19 d’abril de 1941) es un lingüista, pedagòg e escrivan occitan. Foguèt professor d’occitan a l’Universitat Pau Valèri de Montpelhièr abans de prendre la retirada en 2006. Es tanben un dels membres de l’Acadèmia Occitana-Consistòri del Gai Saber e a l’encòp del conselh lingüistic del Congrès Permanent de la Lenga Occitana.

Edicions IEO, colleccion Crimis.