E Freud dins aquò ? - Florian Vernet

E Freud dins aquò ? - Florian Vernet

Lo detectiu privat Valentin Lambert s'anava enfin pagar qualques vacanças quand Bernard Flapit, òme d’affaires plan conegut de Marselha, li demanda d’assegurar la proteccion del Professor Cambeta e de sas recèrcas misteriosas…
Manca d'astre, quand arriba a l'ostal del professor: Tròp tard, tròba tot forra-bora e lo professor ven d'èsser raubat !
Urosament, la secretària de Cambeta va l'ajudar per son enquista... En companhiá d'aquesta Ataliá Nicomeda, Valentin Lambert va afrontar totei lei dangiers per lo tornar trobar.

Un polar qu'es una parodia regaudissenta dels romans negres, dins una lenga viva, familiara e populara : un plaser vertadièr !

Colleccion A Tots Crimis, IEO Edicions.

L'autor:
Florian Vernet (Besièrs, 19 d'abril de 1941) es un lingüista, pedagòg e escrivan occitan. Foguèt professor d'occitan a l'Universitat Pau Valèri de Montpelhièr abans de prendre la retirada en 2006. Es tanben un dels membres de l'Acadèmia Occitana-Consistòri del Gai Saber e a l'encòp del conselh lingüistic del Congrès Permanent de la Lenga Occitana.

Extrach:

« Esiti un moment, se consultam e decidèm qu’Ataliá va assajar de retrobar lo mètge per li faire dire çò qu’a vist dins la bastida. Tornarà après per me contar e avisarem.
S’aluencha e lo codonh m’aganta, fa pas un plec. Siáu polit ! Un drollàs coma ieu. Tre qu’aquela filha es a mai de vint pas de ieu, malautègi, e fa quatre jorns que la conoissi. Es grèu, Doctor ? »

"Lo grand Bernard Flapit : eu meme... Flapit, eu que remplaça lo burre e mai la margarina, aqueu que fa de sòus ambé de vent, de vent ambé sa boca, una entrepresa ambé quatre..."