Le déconsolé - Anne Brenon

Le déconsolé - Anne Brenon

Lo roman vertadièr de Guilhem Rafart, bon Òme catar de la Montanha negra.

Guilhem Rafart nais a l'entorn de 1225 dins una familha païsana de Ròcafòrt, dins Tarn, al moment que la religion catara es a la debuta de son declin. Plan jove, malgrat los dangièrs, pensa de se far "crestian vertadièr". Ajuda los Bons Òmes per vistalhar los que vòlon practicar lor religion e recebre lo consolament al moment de la mòrt. Seguiretz sos viatges per la Montanha negra e duscas en Lombardia, ont es ordenat. A travers sas causidas de vida e sas peregrinacions, descobriretz los dògmas e los rites catars, la poténcia de l'Inquisicion e la vida quotidiana dels òmes e de las femnas d'aquel temps.

Mai lo libre es un roman vertadièr : tot es fondat sus las sorsas istoricas e los testimoniatges dels protagonistas. Mès es pas un ensag istoric, mai se'n manca, que l'escritura polida vos fa veire las caras, las colors, los luòcs, sentir las odors, ressentir la paur o la jòia... vos mainatz de çò qu'èra la vida del pichon pòble del Miègjorn, entre la fin del sègle 13 e la debuta del sègle 14, aquel pòble caput que seguissiá son ideal crestian, en tot fugir lo Malastre, coma nomenavan l'Inquisicion. L'emocion es a cada pagina, qu'es una istòria umana e vertadièra.

Cobertura : Jean-Louis Marteil

La Louve edicions.