Sextant de Vèrses - A l'escòla de Ribeirac, una antologia de sextinas - Franc Bardòu

Sextant de Vèrses - A l'escòla de Ribeirac, una antologia de sextinas - Franc Bardòu

Los tèxtes causits e acampats dins lo present libre son totes estats establits entre 1990 e 2001, e son demorats gaireben totes inedits. Sextant de Vèrses es una antologia constituïda d'un trentenat de poèmas establits sul principi formal de la sextina d'Arnaut Daniel, amb l'ajuda classica, per gaireben cada òbra, de sièis mots-rimas. Mas a partir de la fòrma inventada a l'Edat Mejana limosina, Franc Bardòu s'es aventurat a imaginar un equivalent a un, dos, tres, quatre, cinq, set e quitament neu mots-rimas, qu'apela de « pòrtas ».

Los tèxtes son totes acompanhats d'una traduccion en francés, qu'ajudarà a intrar mai aisidament dins aquestas realizacions fòrça estetisantas, mas tanplan ricas semanticament e simbolicament. L'inspiracion catara i crosa l'analiza jungiana que s'i liurava lo poèta dins lo temps segond d'aquel periòdi. Un prefaci sieu permet de situar son escriptura e sa posicion artistica davant aqueste talhièr creatiu.

Colleccion Votz De Trobar n°24.

Edicions Troba Vox.