Cronicas demiurgicas, Memorial poetic de tèrrafort, Volume 2 - Franc Bardou

Cronicas demiurgicas, Memorial poetic de tèrrafort 2020
Volume 2

Franc Bardòu

Aquesta òbra en très volumes se vòl èsser un ramèl de clavèls, roges de sang e negres de revòlta e de resolucion. Dins los faits, cada poèma i es despausat, animat d'un fòc sempre viu, en memorial, a la grandor e a la dignitat eroïca dels milicians anarquistas de la 26ena colomna Durruti de l'armada Republicana dita « espanhòla », e de lors aligats, Brigadistas Internacionals, ara jaguts per l'eternitat a la talvèra del mond e de l'ancian camp de concentracion del Vernet, en país de Pàmias. Revolucion passada e revòltas actualas s'i mèsclan e se respondon, dins un jòc-partiment ont se confrontan l'ateïsme d'un mond void de dieu e de providéncia, e l'esperança metafisica catara d'autres revoltats, de l'esperit, aqueles, eles tanben tombats per lors idèas e lor fe generosa, mas tant insolenta a tota ierarquia coma las anmas dels justes, mòrts dins aqueste camp de l'orror autoritarista e de l'injustificable.