Man dins lo cèl aganti l'astre - Volume 2 - L’esfinge - Franc Bardòu

Man dins lo cèl aganti l'astre - Volume 2 - L’esfinge - Poèmas a la Leona de l’Atlàs: 1998-1999 - Franc Bardòu

Man dins lo cèl aganti l’astre es una òbra uèi enfin editada en tres volumes, que recampa los poèmas escrits entre las cimas de l’esperança amorosa e los tomples del desespèr contemplatius.

Lo volume 2, L’esfinge, es un recuèlh inedit de poèmas escrits al final del sègle XX, descrivent una confrontacion iniciatica al patiment d'amor, d'amor per una femna, la Leona de l'Atlàs, que non respondiá res mai, ni d'òc, ni de non, a un servici amorós benlèu definitivament esmarrat dins lo laberint d'un sègle sense amor. En quatre tempses interiors que reconstituïsson un animal fantastic, l'esfinge, monstre tetramorfic del Jutjament darrièr, para aital, a l'èime escartairat, un miralh poëtic, per fin de li far descobrir las leçons d'un vertige sentimental e metafisic cap e tot allucinatòri. Sonque a la cremadura se coneis a de bon lo fòc.

Obra poetica en occitan - revirada en francés per l'autor.

Illustracion cobertura : Dame de cristal d’Hélène Rejembeau. Foto de l'autor per Christel Rey.

Colleccion Votz de Trobar n°33.

Edicions Tròba Vox.

Estrach:

La carn primièr
    nos pesèt mai que tèrra,
        e d'aital la quitar
            cavalèrem los vents,
                agla sus las chavanas…

    Puèi,
assetat còsta tu,
simplament t'abracèri
mon còr d’òme, nud dins la man,
enebriat pel tieu silenci.