Tu que l'as vista - Franc Bardòu

Tu que l'as vista - Franc Bardòu

Poèmas en occitan d'octòbre de 2021 dedicats a Dòmna Cristèl, amb traduccions en francés de l'autor.

Amb lo recuèlh « Tu que l'as vista », l'autor assaja de marchar, umilament, dins los passes ara celestials del grand Bernat Manciet, en omenatge e testimoniatge de reconeissença. Totun, s'agis tanben d'un cant d'amor a una Dòmna a l'encòp omnipresenta e absenta al narrator, una Dòmna que se sembla venir incamar fugidissament dins la tèrra, la mar, los cèls e las sèrras tan cars al còr de l'autor, en Pais d'Aude, una tèrra presenta a cada pagina, a cada respir, a cada esmai, e que lo narrator, perdut dins son immensitat, nos para coma un miralh fidèl a l'esplendor de l'absenta adorada.

Obra poetica en occitan - revirada en francés per l'autor.

Illustracion cobertura: Maratges narbonese. Foto de l'autor per Christel Rey.

Colleccion Votz de Trobar n°43.

Edicions Tròba Vox.

L'autor:  Franc BARDÒU

Estrach:

Tu que l'as vista quand pareis,
vestida de vents e de luses,
esbleugissenta de beutat,
perqué non nos dises l'anar
del sieu selhatge sul palum ?

Se conta que subre la lòna
de l'Airòla, quand los joièls
de la capa del cèl s'amòrtan
entre sos dets de genta maura,
tomba la luna pel Grasel.